27
04.2021

一場不停衝擊視覺及味覺的打邊爐~ 香江花月 Victorian Era

飲食烹飪(中菜)  
『香江花月』將打邊爐呢件事變得又靚又典雅,感覺完全唔同哂~ 
好多謝好姊妹帶我黎呢度食正野, 未食完,我已經不停SEND 相俾朋友威威啦~ 
香江花月位於佐敦百誠大廈2樓,鄰近廟街,大廈外表就睇唔出有咩特別
但一出電梯,成間餐廳既環境,裝修,氣氛會令你完全忘卻自己身處佐敦。完全將佐敦的食肆平均值拉高左至中環水平。
寫文時上網搵下資料,原來呢間餐廳耗資左 1,200萬裝修。以昔日五十年代中西合壁的舊香港為設計背景,呈現舊香港的獨特情懷,甚有心思。
唔怪得之咁靚啦,令我聯想到張愛玲的《傾城之戀》入面的優雅古典建築~
 
 
餐廳以五/六十年代背景做主題,懷舊得黎又好GRAND 
而且仲放滿左好多店主搜羅返黎既古董~  好有心思,又有味道~
見到個留聲機,耳邊彷彿傳來  .....是誰.....在敲打我窗...........
 
 
最得意係入口門位有間超靚既TEAMLAB 房間俾大家打卡
雖然同餐廳既主題有少少分野,不過靚野,大家都鐘意啦~
 
 
甫坐低,待應就送上每人一杯WELCOME DRINK ~ ( 真心幾Surprise  好感度即刻 up!up!up!) 
 
 
再黎望真D呢杯荔枝特飲,杯底有條錦鋰仔架,好可愛,心心眼呀~
 
 
 
擺放醬油的部份位於餐廳的中心,乾淨企理,圓形設計方便大家取物又唔會迫埋一齊
各式各樣的醬汁同配料齊備
 
 
建議放醬料的盒蓋加番個手挽,方便掀起個蓋呀~~~ 
 
是夜主角上場啦~ 
 
養生美顏湯底 加「香江拼 」 火鍋配料
 
 
將食物擺到成個花環咁,未起筷,相機已經開動
店名取名為「香江花月」,其實暗藏兩個不同的意思,除左代表昔日50年代舊香港五光十色的浮華外,另一個意思就係食物以繁花盛放的姿態呈現,拼盤除左加入不少花卉裝飾,師傳更將各款牛肉捲成一朵朵花咁,有心思又有新意~
 
呢個集齊豬牛羊的拼盤,種類多不勝數,我以有限的記憶力將佢地寫番出黎,有錯請多多包涵唷~ 食物種類包括各款不同的牛,有安格斯牛、牛白肉、牛展、牛心椗、牛柏葉及牛脷,愛牛的我真係超開心,一次過可以試哂咁多款~ 
 
蝴蝶腩真係有驚喜,入口嫩滑,牛味超濃郁,一D都唔嚡
安格斯牛無得傾,油花分佈均勻~ ~入口嫩滑而不失牛肉的質感~
 
 
牛心椗平時好少有,薄薄一片,灼幾下就熟,入口爽脆,口感過癮
 
 
牛展切成薄薄一片,筋肉勻稱,顏色仲好鮮嫩吸引~
 
 
有好既材料,點可以無特別的湯底
 
今次點左鴛鴦鍋
白色的日本牛乳玫瑰鍋以及紅色的四川麻辣鍋
 
 
以日本北海道全脂牛乳配上來自日本的玫瑰來烹煮
牛乳仲特別整成玫瑰花的形狀,係鍋中溶化。唔單止望落吸引,鼻中更傳來陣陣牛乳香~
玫瑰配以牛奶,可以保持肌膚嫩滑架~ 湯底入面的橙色花環,原來係木瓜黎,木瓜吸收左牛乳既香味,好似木瓜燉鮮奶呀~所以呢個牛乳玫瑰鍋湯底超適合女生呢~
 
無辣不歡既我當然首推四川麻辣鍋,麻香又唔會太辣,刺激味蕾之餘仲又不會搶去食物的味道。用黎灼牛肉絕配呀~
 
呢度既火鍋配件好多都係自制架,好有創意
自製三色丸分別係咸蛋黃,松露同蟹子~ 
仲有特別的三色餃 ,分別係黑色的黑松露長腳蟹餃,芝士鮮菌餃以及野生松茸餃~ 餃子更係即叫即製架,唔怪得d皮咁新鮮,一d雪藏既痕跡都無~ 
連生麵都係自製呀~ 我服了~~
 
自製的食物除左餡料特別,三隻色更加搶眼,感覺好健康,好天然呢~
 

 

呢個咁特意既圈圈都係自家製架,叫冬甩墨魚菓子
以墨魚及蝦製成的兩款不同的冬甩墨魚菓子,配以圓圓的冬甩賣相
當中加入杏仁及腰果,品嚐時帶有墨魚滑的香味之餘又可以增添香脆口感
不過我個人就覺得杏仁及腰果太多,有少少喧賓奪主的感覺~ 
 
 
朋友點的鴨血呀,大大件,配合個四川麻辣湯底 ,我見佢食得好滿足呀~XD 
我自己平時唔食架,不過都淺嚐左一件 (細細聲講你知,我係第一次食鴨血呀) 
平時唔太鐘意食豬紅的我,對呢個鴨血又唔會太反感,入口有D 啜啜地既感覺。
朋友話有感覺先好,無感覺就係開得太稀了。  長知識了~
 
 
除左打邊爐外,呢度的熟食都超水準
炸豆腐,外皮好香脆, 入面又超級滑,仲要剛剛炸起,熱到辣口但又好想食~ 
炸豆腐的面放滿了很多黑,白芝麻,入口有濃濃的芝麻香~ 
 

 

 
 
炸魚皮同樣出色,魚皮很鬆化,是脆脆薄薄那種,這個小食建議直接食,放落湯的話感覺浪費了。最重要是魚皮沒有很多油呀~ 不油膩,非常出色的一道小食~
 
就算一個雜菜,餐廳都落過心思去擺放~ 擺到成盆花咁呀
入面菜的種類,林林總總,至少有七款以上,鐘意食咩菜都揀到啦~
 

 

 
除左食物,呢度既飲品都係打咭必備架~
 
成個汽球既叫鳯琉香, 菠蘿味,最特別係上枱時用氮氣整左個汽球係杯上面,但氣球好快爆架,要影相就要捉緊時間囉~
 
成朵玫瑰花咁靚既叫瑰洛月 ,玫瑰係雪出黎既冰,飲既時候要倒入一杯有洛神花,玫瑰同蘋果味的飲品,朋友話酸酸甜甜,有D汽
另一杯咁翠綠的,叫翠竹江  有枇杷葉,咸柑枯同薄荷葉,就好似一杯改良版的MOJITO 咁~ 
飲品仲可以揀有酒精同無酒精架~~
我覺得D飲品名好似武俠小說的人物名稱呀~HAHA
 
呢度環境咁靚,但價錢又唔係好貴
咁靚又多料的湯底都係百幾蚊,小食, 邊爐配料都係 幾十蚊,就連咁靚既香江拼都係七百幾蚊
咁既價錢,隔離廟街都要啦~ 
 
臨走時又隨手拍下一張環境照,女女睇完後話好似火車卡呀~ 唔講唔覺,一講就醒覺~
 
 
 
五、六十年化,的確好多人坐火車南下香港求生搵食
更有好多亂世情侶火車走難失散的情節~ 係咪諗得太多~HAHA~
係呢間『香江花月』餐廳,的確能令人不期然回憶好多香港的輝煌歷史
彷彿從時光隧道中回到昔日的香港。
 
『香江花月』 Victorian Era
佐敦佐敦道35號百誠大廈2樓
 
文章只屬個人意見,口味因人而異,只供參考
如要聯絡本人,請電郵至: smonkichi@hotmail.com 

Click below for my sharing platform :
 
 
 
發表於2021.4.27
留言(1)
  • hanyun81
    感謝分享 https://www.twsex19.com 必利勁 https://www.twsex19.com/priligy 超級必利勁 https://www.twsex19.com/extra-super-tadarad 必利吉 https://www.twsex19.com/P-force 綠p必利吉 https://www.twsex19.com/super-P-force 超級希愛力 https://www.twsex19.com/extra-super-tadarise 印度樂威壯 https://www.twsex19.com/levifil-20 液態威而鋼 https://www.twsex19.com/P-force-oral-jelly 威格拉 https://www.twsex19.com/VIGORA 希愛力20mg https://www.twsex19.com/tadacip-20 希愛力5mg https://www.twsex19.com/tadarad-5 希愛力雙效片 https://www.twsex19.com/super-tadarise 印度神油 https://www.twsex19.com/climax 日本興奮劑 https://www.twsex19.com/rbxfj 美國卡宴 https://www.twsex19.com/CAYENNE 日本藤素 https://www.twsex19.com/tengsu 汗馬金糖 https://www.twsex19.com/spinach 東革阿里咖啡 https://www.twsex19.com/coffe 汗馬紅糖 https://www.twsex19.com/hamer-candy 永春糖 https://www.twsex19.com/Candy-B 汗馬黑糖 https://www.twsex19.com/mentalk 美國MAXMAN https://www.twsex19.com/maxman 美國威樂增大丸 https://www.twsex19.com/vigrx-plus 美國VigRX https://www.twsex19.com/vigrx
    hanyun81 28/04/2021
博客名稱 :
Sally Ngai
網誌名稱:
Sally Ngai's Private Heart
使用天數:2,571
性別:
電郵:smonkichi@hotmail.com
按月份瀏覽
    2021
  • 一月
  • 二月
  • 三月
  • 四月
  • 五月
  • 六月
    2020
  • 一月
  • 二月
  • 三月
  • 四月
  • 五月
  • 六月
  • 七月
  • 八月
  • 九月
  • 十月
  • 十一月
  • 十二月
>> 更多
系統分類
  • 美容時尚
  • 飲食烹飪
  • 環球旅遊
  • 親子育兒
  • 數碼科技
  • 生活品味
  • 藝文創作
  • 電影戲劇
  • 寵物日誌
  • 攝影寫真
  • 星座算命
  • 戀愛心情
  • 文化政經
  • 其他
自行分類
最新留言